मेचीनगरमा चर्चाको शिखरमा तामाङ

Gopal Tamang

मिनी नगर निर्वाचन भनेर चिनिने गरेको काँकरभिट्टा खानेपानी उपभोक्ता तथा सरसफाई समितिको माघ २२ गते ११ समिति कार्यसमिति सहित ३ जना लेखा समितिको निर्वाचन हुदैछ । यसको चर्चा अहिले मेचीनगरमा रहेका चिया पसल देखी लिएर प्रत्येक टोलटोलमा हुन थालेको छ । उक्त निर्वाचनमा  नेपाली कांग्रेस–माओबादी सयुंक्त प्यानल र एमाले एकल प्यानल बीच तिर्ब प्रतिस्पर्धा हुने देखीन्छ ।जित कस्को पोल्टामा हुने हो त्यो त निर्वाचनका दिन सम्म पर्खनै पर्ने हुन्छ तर अहिले यसको रौनक्ता भने मेचीनगरका लागी २०६४ सालको संविधान सभाको निर्वचन भन्दा कम छैन निर्वाचनका उम्मेद्धारलाई अगाडी सारेर पार्टीका नेता तथा कार्यकर्ताहरु त्यसको पछिपछि हिड्नुले पनि पार्टीगत निर्वाचन होकी भन्ने जो कोहीलाई भान हन्छ । दुई हजार नब्बे मतदात संख्या रहेको सो समितिमा २ सय २२ सभाषद रहेका छन । जसको लागी काग्रेस–माओबादको सयुक्त प्यानलबाट अध्यक्ष पदका लागी युवा व्यक्ति गोपाल तामाङ्ग हुनुहुन्छ भने एमालेका तर्फबाट ठाकुर सिवाकोटीलाई अगाडी सारिएको छ ।  

 निर्वाचनको संघारमा आएर यी दुई प्रतिस्पर्धीसंग मेचीनगर अनलाईनका लागि देवु बानियाँले गरेको संक्षिप्त कुराकानी यहाँ प्रस्तुत गरिएको छ ।

१)  खानेपानीमा तपाईको उम्मेद्धारी किन ?

– काकरभिट्टाको बड्दो शहरीकणका साथै संचालीत आयोजनाहरु पुराना भएका कारण पानीको आपुर्ती तथा प्रभाबकारी बितरण, शुद्धिकरण, नियमित संचालन आदी जस्ता कुराहरुलाई सबल बनाउनका लागी साथै काकरभिट्टा क्षेत्रमा २४ सै घण्टा शुद्ध पिउने पानी उपलब्ध गराउन, उपभोक्ताका मागहरुलाई यथासक्य सम्बोधन गर्न साथै मेरो कार्यकालमा भएका कामलाई निरन्तरता दिन र अपुरा काम तथा आयोजनाका लक्ष्यहरुलाई पुरा गर्नका लागी मेरो उम्मेद्धारी आवश्यक रहेको छ । कुनै पनि संघ संस्थालाई निरन्तरता दिन र त्यसको बिकासका लागी एउटा लगनशिल र कुशल नेतृत्वको आवश्यक पर्दछ । त्यस ठाउमा म आफुलाई उभ्याउन चाहान्छु । यस संस्थामा अघिल्लो कार्यकालमा जे जति कामहरु भएका छन र अधुरा रहेका कामहरुलाई पुरा गर्नु मेरो जिम्मेवारी ठान्दछु साथै त्यो पुरा गर्ने छु जुन उपभेक्ता मानुभाबहरुले देखिसक्नुभएको छ ।

२) तपाईको जितमाथी कतिको बिश्वास हुनुहन्छ ?

–  म बोलेर भन्दा काम गरेर देखाउने मान्छे हुँ । म कुनै पनि भाषण गरेर मानिसलाई मख्ख बनाउने होइन आफनो क्षमता र बुद्धिले भ्यासम्म आफ्नो जिम्मेवारीलाई पुरा गर्छु । जसको ज्वलन्त उदाहरण अघिल्लो कार्यकालमा ल्याएका योजनाहरु रहेका छन । अघिल्लो चोटी पनि उपभोक्ता मानुभावहरुले विश्वाश गरेर एउटा जिम्मेवारी दिनुभएको थियो । यस पटक पनि यो विश्वासको वातावरण उहाँहरुले नै उपलब्ध गराउनु हुनेछ । जसमा म पुर्ण विश्वस्त रहेको छु ।

३)  तपाईको भावी योजना के रहेको छ ?

–  सर्वप्रथम त काकरभिट्टा क्षेत्रमा  पर्याप्त  स्वच्छ र स्वस्थ खानेपानी उपलब्ध गराउने मेरो प्रमुख लक्ष्य रहुको छ । त्यस पछि अल्पकालीन अवधारण अनुसार काँकरभिट्टा खानेपानीको क्षमता वृद्धि गर्ने उदेश्यले वर्मेली टोल क्षत्रमा निर्माणाधीन ४ लाख ५० हजार लिटर क्षमताको ओभरहेड ट्याङ्की निर्माणको कार्य ८० प्रतिशत सफल भइसकेको हुदा बाँकी रहेको कार्य चाँडो भन्दा चाँडो पुरा गर्नका साथै निर्माणधीन ट्याङ्की सञ्चालनका लागी वाल कम्पाउण्ड तथा आवश्यक पर्ने विद्युत लाईन जडान गरी ट्याङ्की सञ्चालामा ल्याउने । सोही स्थानमा निर्माणाधीन ट्युबवेल बोरिङ्गलाई पुरा गर्दै आवश्यकता अनुसार दुई वटा बोरिङ्ग थप गर्नु पर्ने रहेको छ । साथै साना शहरी विकास आयोजनाको स्वीकृति कार्यक्रमलाई पुर्ण पारर्दशिताका साथ कार्यन्वयन गरी खानेपानी, सरसफाइ, सडक, ढलको समुचित व्यवस्था गर्ने । उपभोक्ता पाठशाला स्थापना गरी पानीको सदुपयोग, वितरण, रेखदेख र नियन्त्रण बारे शिक्षा प्रदान गर्न ।  खानेपानी शुद्धता एवम जोखीम नियन्त्रणको लागी पानी सुरक्ष योजना ( Water Safety Plant) लागु गर्ने । काँकरभिट्टा खानेपानीको  सम्पुर्ण गतिबिधि एवम आर्थीक कारोबारलाई कम्प्युटर सफटवरको माध्यमबाट कम्प्युटराइज सिस्टममा लगिने लगाएतका योजनाहरु ल्याएका छु ।

४) जित्नुभयो भने पहिले के गर्नु हुन्छ ?

–  जीत निश्चित छ त्यसकारण माथी ल्याएका योजनाहरुलाई निरन्तरताका साथ आफ्नो काँधमा लिएर अघि बड्ने छु र उपभोक्तहरुको समस्यालाई प्रत्यक्ष निगरानी गरी समस्याहरुको समाधान गदै जाने छु  ।  साथै आफना अग्रजहरुले स्थापना गरेका मुल्य मान्यता र कार्यहरुमा सिरोपार्य गर्दै संस्थाको उत्तरोत्तर प्रगतिको निम्ति दत्तचित्त भएर सधै लाग्ने छौं ।

५)  काकरभिट्टा खानेपानीको समस्या बारम्बार बाहिर आउने गरेको छ नि के कारणले गर्दा हो ?

यस क्षेत्रको सबैभन्दा ठुलो समस्या भनेको शहरीकरणको बिकास सँगै जनसंख्या वृद्धि भई वार्षिक अत्याधिक रुपमा धारा जडान हुनु हो जसले गर्दा संचालित आयोजनाको क्षमता (ट्याङ्की, पाईप लाइन) काम भएका कारण यस्तो हुन गएको हो । त्यसका लागी दिर्घकालीन योजना भनेर साना शहरी खानेपानी आयोजना  स्वीकृती गराएका छौंँ जसबाट आवश्यकता अनुसार नयाँ पाइप लाइन विस्तार गर्न सकिन्छ । आवश्कता अनुसारको पानी उत्पादनका गर्नुका साथै सम्पूर्ण उत्पादित पानीलाई प्रशोधन गरी पुन वितरण गर्न सकिन्छ 

६)  यो समस्या कहिले सम्म ?

अल्पकालीन योजना अन्र्तगत ४ लाख ५० हजार लिटर क्षमताको ओभरहेड ट्याङ्की निर्माणको कार्य ८० प्रतिशत पुरा भइसकेपछिअहिलेको समस्या समाधान हुनेछ त्यस पश्चात ३० देखी ४० बर्ष सम्मका लागस् दिर्धकालीन योजना अन्र्तगतको साना शहरी खानेपानी स्वीकृति योजनालाई पुरा गरी काँकरभिट्टा बासीलाई मेरो आगामी ३ बर्षे कार्यकाल भित्रमा शुद्ध, सफा र स्वच्छ खानेपानीको सुनिश्चित हुने कुराको विश्वस्त तुल्याउँछु । 

७) खानेपानी जस्तो एउटा सामाजिक संस्था अहिले आएर पार्टीको हावी भएको देखिन्छ नि ?

– यो नहुनु पर्ने हो तर यहाँ अहिले यस्तै भइरहेको छ । तर जो  कोही ब्यक्ति कुनै न कूनै पार्टीसँग आबद्ध भएको हुँदा पनि त्यस्तो देखीन सक्छ ।  खानेपानीमा मात्र होइन अहिले जुन सुकै संस्थामा पनि पार्टीगत हावी जमाएको देखिन्छ । लोकतन्त्रमा स्वच्छ प्रतिस्पर्धा गर्नु सबैमा अधिकार रहेको छ तर  सामाजिक संस्थालाई समाजमा नै असर पर्ने गरी गरिएको यस प्रकारको प्रतिस्पर्धाले संस्थालाई फाइदा पु¥याउदैन । यस्त सामाजिक संघ संस्थामा आबद्ध हुने ब्यक्तिहरुले पार्टी भन्दा माथी उठेर सस्था र समाजको लागी निश्पक्ष भएर कार्य गर्नु पर्ने हुन्छ । त्यसैले म र मेरो नेतृत्वमा संस्थाको हित बिपरित पार्टी हाबी हुन दिने छैन ।  त्यसकारण मेरो प्रतिस्पर्धा भनेको स्वच्छ प्रतिस्पर्धा हो, एउटा सामाजीक कार्यकर्ताको हैसिएतले संस्थाको बिकासका लागी कुनै पार्टी विशेषलाई मात्र नभएर सिङ्गो समाजलाई डोहो¥याएर अघि हिड्नु मेरो दायित्व हो ।

८) अन्त्यमा के भन्न चाहानु हुन्छ ?

– एउटा खानेपानी जस्तो संस्थालाई सधै बचाइराख्नको लागी एउटा कुशल नेतृत्वको खाँचो रहेको हुन्छ जसको नेतृत्व चाँडै आउदै छ । आगामी माघ २२ गते हुने निर्वाचनमा  सम्पूर्ण उपभोक्ता मानुभावहरुलाई म गोपाल तामाङ्गको चुनाब चिन्ह न. १ मा मत दिई विजयी गराउनु हुन साथै संस्थाका कार्यहरुका लागी अन्य कुनै लाभको पदमा नरही सधै खानेपानीका निम्तिि समय प्रदान गर्न सक्ने आफनो निम्ति भन्दा यस क्षेत्रको उन्नतीका निम्ति लागी पर्ने हाम्रो टिमलाई मत दिएर खानेपानीको भविष्य सुनिश्चित गरिदिनु हुन हार्दिक अनुरोध गर्दछु ।