सेमिफाइनलमा सशस्त्र प्रहरी, जनमुक्ति सेना र चितवन

 धाईजन माघ १९– पुर्वाञ्चल स्तरीय नक आउट भलिवल प्रतियोगिता अन्तरगत वुधवार सम्पन्न क्वाटरफाइनल खेलमा विजयी वन्दै सशस्त्र प्रहरी, संखुवासभा, जनमुक्ति सेना र चितवन विजयी सेमिफाइनल  प्रवेश गरेका छन् ।  

झापाको धाइजन सहरेडागी युवा परिवारको आयोजनामा स्थानीय सरस्वती वाल कल्याण माविको मैदानमा संचालित प्रतियोगिताको पहिलो खेलमा सशस्त्र वल इटहरीले  २५–११ र  २५–११ सोझो सेटमा दमक क्याम्पसलाई हराएको छ । त्यस्तै अर्को खेलमा खादवारी नगर खेलकुद टोलीले जन जागृति इटहरीलाई संघर्षपूर्ण खेलमा  २५–१७ र २५–२० को अन्तरले पराजित गर्यो ।

जनमुक्ति सेनाले इलामलाई २५–७ र १९ को सोझो सेटमा हराउदै सेमिफाइनल प्रवेश गर्यो । आगन्तुक टोली चितवनले विर्तामोडको भगवान व्रदर्शलाई हरायो । २५–१३ र २५–२० को सोझो सेटमा भगवान पराजित भएको हो । 

विहीवार जनसेना र संखुवासभावीच पहिलो तथा चितवन र सशस्त्र वल इटहरीवीच दोश्रो सेमिफाइनल प्रतियोगिता आयोजना हुने आयोजक समितिका सचिव भीष्म पौडेलले जानकारी दिए ।